KÜLTÜR-SANAT

XWEŞBÎNÎ

ez

bi pêpelokên rastî û zanastiyê

ber bi kamilbûn û arifbûnê ve

hildikişim

li ser rêya aqil û mantiqa felsefê

bêrawestan dimeşim

tûrikê pêşeroja nediyar

bi îlhama eşqa nûraniyê

dadigirim

rengê wêneya fazîlet û heqîqetê

li albûma qîblegeha derûniya xwe

dineqişînim

ez

tovên xweşbînî, dilovanî, aramî û wijdaniyê

bêhna çîçekên bax û bostanên rengîn

li ser axa giyanê sefîl

direşînim

hestên qencî, camêrî û destfirehiyê

nefsbiçûkî û  hezkirinê pêşkeşî xêrnexwaz

û dinyaya derewîn dikim

nalîn û lorîna dengbêjên kezebperitî

şewq û şemala awirên zarokên bêxwedî

di qolincên berbanga rûken de

dihewînim

ez

wîzewîza bayê hêviyên geş

tîrêjên stêrka azadiya ramanê

feryad û fîxana bilbilê xemkêş

di paşila keskesora aso de

vedişêrim

tilîliya dîlana şadî û serkeftinê

germa silavên heval û dostên sadiq û dilpak

çirûskên finda rûmet û hurmetê

di qefesa sîngê kaniya baweriyê de

diparêzim

Xizan Şîlan
2022-05-05
Stockholm

Daha Fazla Göster

Bir Yorum

  1. Helbestek xwe û wateyî, lê li gor bawerîya min di rêzkirin û nivîsîna ristan da şaşî heye. Hozan, di destpêkirina hemû ristan da tîpa biçûk bi kar tîne, ku dîsa li gor bawerîya min ev şaş e, bibe ku ez şaş bim. Silav û rêz.

Yorum yaz

İlgili Makaleler

Başa dön tuşu
%d blogcu bunu beğendi: