Zinarê Xamo

Fen û fût bûye karê Erdoganê rût

Erdogan wer li ser telefonê ye, telefon ji dest nakeve, rojê telefonî serokên çend welatin dike. Tebatî nayê, wek gêrik tê da bin.

Lê bi telefonkirinê jî qîma xwe nayne, wek delalê kerê xwe wenda kiribe, rojê baz dide welatekî. Hesabê wî ereban û afrîqiyan bixapîne.

Çû Qeterê, jê ra pere lazim e, li parsê digere. Dixwaze bi fen û fûtan xwe xelas bike. Fen û fût karê mêrikê rût. Lê ereb jî şît in, êdî wek berê naxapin.

 XXX

Li Tirkiyê di resmîyetê da AKP li ser hukim e. Lê di praktîkê da MHP li ser hukim e, ew Tirkiyê îdare dike.

Erê def di hustuyê Erdogan da ye, lê qolik di destê Devlet Bahçelî da ye.

Lema jî Bahçelî eşkere çeteyên xwe dişînin ber deriyê xelkê, gefa li xelkê dixwin. Pûlis nikanin vî hukmî bikin.

 XXX

Meriv kane ji partiyekê, ji serokê wê hez neke, li dijî siyaseta wê be, serokê rexne bike.

Lê di şerê artêşa dijmin û şervanên kurd da, di şerê Daîşê û pêşmerge da, di şerê Daîşê gerîla da kurdê bi kuştina pêşmerege û gerîla xemgîn nebe, ya jî kêfxweş bibe, ew hevalê dijmin e.

Daha Fazla Göster

İlgili Makaleler

Başa dön tuşu