Zinarê Xamo

Dewlet li Mêrdînê û Wêranşarê çi ji me dixwaze?

Li gelek gundên Mardînê, Dêrikê, Qezê, Wêranşarê ji serê mehan e elektirîk û av tuneye. Ev çend sal in eynî tiştî dikin. Li pişt vê terora qutkirina avê û ceyaranê pilaneke dewletê heye.

Zeviyên xelkê, terşên xelkê, bîstan û bexçeyên xelkê ji ber bêaviyê telef bûne. Milet perîşan e.

Bi sedhezaran însan di tariyê da dijîn û hesretiya ava vexwarinê ne. Ev ne tiştekîm normal e. Dibê em giş bi hev ra tiştekî bikin.

Dewleta dagirker û neyarê qewmê kurd ji kêfî zulmeke nedîtî li me dike. Lê di vê zulmê da hedefeke wê heye.

Diyar e dixwaze bi vê riyê kurdan ji herêma nabêna Rihayê û Nisêbînê derxe, bi çolan xe û çeteyên xwe li wan deran bi cî bike.

Tirkan berê jî li gelek bajarên Kurdistanê, Serê Kaniyê -Ceylanpinar yek ji van e- Ozbek, Qirgiz, Uygur, ereb û kesên din bi cî kirine.

Dibe ku vê carê jî pilaneke Erdogan-Bahçelî ya wiha heye. Ya na çima bi mehan ewê bi sedhezaran însanî bêav û di tariyê da bihêlin! Sala çûnî jî eynî problem hebû.

Yanî mesela qutkirina avê û ceyaranê ne nuh e û ne bêsebeb e, miheqeq li pişt vê siyasetek heye.

Dibê partiyên kurd û baroyên abûqatan, dahîreyên ziretê û dezgehên kurdan giş dest bidin hev û li hemberî terorîzekirina milet dengê xwe bilind bikin.

XXX

Berdevkê hikûmeta Îraqê, Ehmed Mela Telal gotiye Îraqê bi fermî ji Tirkiyê xwestiye êrîş û operasyonên xwe yên nava axa Îraqê rawestîne.
Tirkiye bi gotinê, bi rica mica nasekine, tenê ji zorê fêm dike. Dibê Îraq lêxe.
Heta Îraq lê nexe Tirkiye nasekine û ji ciyên dagirkirine dernakeve. Efrîn, Idlib, Serê Kaniyê, Girê Sipî, gund û herêmên Tirkiyê li başûr dagirkirine êdî Hatay e, Qibris e. Tirkiye zorê nebîne, neyê mecbûrkirin ji van bajar û erdan ewê tu carî dernekeve. Dibê Îraq, Sûriyê û kurd bi hev ra lêxin.
Di vir da Rûsya jî bi kurdan û bi ereban ra xayintiyeke mezin dike, Rûsyayê rojava diyarî Tirkiyê kir.

XXX

Ava neherike, di golê da bimîne genî dibe. Însan jî wek avê genî û pîs dibin.
Bindestiya gelek salan, zulm û tahdeya zêde şexsîyeta gelek kesî pir xera kiriye, şexsîyeta wan bûye hevîr, dikeve her qalibî.
Şelafî êdî bûye sinetekî bi qîmet, talibên şelafiyê roj bi roj zêde dibin.

Zinarê Xamo

Daha Fazla Göster

İlgili Makaleler

Başa dön tuşu
Kapalı